Ad eandem

Ad eandem
szerző: Janus Pannonius

Quantus ad aethereum, coeli suspectus, Olympum,
    In praeceps tantum bis tibi vulva patet.
Hujus non toto, sentirem Cerberon, antro,
    Non Stygis hanc obeant flumina tota novem.
Haud illinc, Castor fraterna morte, redisset,
    Virtute Alcides, carmine Threïcius.
Si sciat hoc rector Superum, qui jactat ab alto,
    Facta Pyracmonia, tela trisulca, manu,
Hac et Aloïdas geminos demergat abysso,
    Huc pariter Coeum trudat et Iäpetum.
Si Parnasiacae, sciat hoc, Deus incola, Cirrhae
    Vulture rodendum, porrigat hic, Tityon.
Nec quinquagenis immanem faucibus hydram,
    Ipse alio, Pluton mallet hiare, loco.
Omnia sed quamvis concurrant monstra, nequibunt
    Dimidia cunnum, parte replere, tuum.