Ad amicam

Ad amicam szerző: Janus Pannonius

[1]

Heu mihi! tam tarde congressi, tam cito quare
    Digredimur? nec fas longius esse simul?
Hos ego complexus tunc vellem, vita, resolvi,
    Quercubus implexae cum caderent hederae.
Haec ego tum cuperem disiungi basia, quando
    Desereret concham lubrica concha suam.
Consortes utinam Veneris sic vincla catenent,
    Haeret ut implicito cum cane nexa canis!